തെങ്ങിനെ ബാധിക്കുന്ന ഒരു പ്രധാന രോഗമാണ് ഫൈറ്റോഫ്തോറ പാമിവോറ എന്ന കുമിൾ മൂലം ഉണ്ടകുന്ന കൂമ്പ്ചീയൽ രോഗം . നാമ്പോല വാടി അഴുകി നശിക്കുന്നതാണ് കൂമ്പു ചീയലിന്റെ ലക്ഷണം. ഇളം തെങ്ങുകളിലായി മഴക്കാലത്താണ് കൂമ്പ് ചീയൽ രോഗം കൂടുതലായി കാണപ്പെടുന്നത്.
കൂമ്പു ചീയൽ രോഗത്തെ ഫലപ്രദമായി നിയന്ത്രിക്കാനായി സി പി സി ആർ ഐ- കാസർകോഡ് വികസിപ്പിച്ചെടുത്ത വളരെ ലളിതവും ഫലവത്തായതുമായ സാങ്കേതിക വിദ്യയാണ് ട്രൈക്കോഡെർമകേക്ക്. ട്രൈക്കോഡെർമ ഹർസിയാനം എന്ന മിത്രകുമിൾ ചകിരിച്ചോറിൽ വളർത്തിയെടുത്താണ് ട്രൈക്കോഡെർമ കേക്ക് തയ്യാറാക്കുന്നത് .ട്രൈക്കോഡെർമ കേക്ക് സാധാരണ സാഹചര്യത്തിൽ ഒരു വർഷത്തോളം സൂക്ഷിക്കാവുന്നതാണ് .
ഉപയോഗക്രമം
• കൂമ്പു ചീയൽ രോഗത്തിനെതിരെ പ്രതിരോധ നടപടിയായി ട്രൈക്കോഡെർമ കേക്ക് കാലവർഷാരംഭത്തിനും മുൻപായി ഓലക്കവിളുകളിൽ വച്ചുകൊടുക്കുക
• നാമ്പോലയ്ക്കു ചുറ്റുമുള്ള രണ്ട്‌ ഓലക്കവിളുകളിലായി ഓരോ ട്രൈക്കോകേക്ക് വീതം വച്ച് കൊടുക്കുക
• കുറഞ്ഞ ചിലവിൽ വളരെ ഫലപ്രദമായി കൂമ്പുചീയലിനെ നിയന്ത്രിക്കാൻ സഹായിക്കുന്ന ട്രൈക്കോഡെർമ കേക്കുകൾ കണ്ണൂർ കൃഷി വിഞ്ജാന കേന്ദ്രത്തിൽ ലഭ്യമാണ്.
വിളിക്കേണ്ട നമ്പർ : 8547675124
വില: Rs.5/ട്രൈക്കോകേക്ക്.
